اسلام آباد۔15دسمبر (اے پی پی) وزیراعظم محمد شہباز شریف آکھیا جو پاکستان توں پولیو دے پورے خاتمے کیتے پرعزم ہیسے، والدین پولیو مہم اچ ورکرز نال تعاون کرن۔ چھݨ چھݨ کوں انسداد پولیو مہم دی تقریب توں خطاب کریندیں ہوئیں انہاں آکھیا جو پاکستان نال پولیو دے خاتمے دی مہم اچ سانجھے داری تے بل گیٹس فائونڈیشن، عالمی ادارہ صحت اتے سعودی عرب سودھے عالمی اداریاں دا شکریہ ادا کریندوں۔ پاکستان سودھے ٻئے ملکاں نال تعاون کرݨ تے سعودی عرب دے ولی عہد شہزادہ محمد بن سلمان دا وی شکریہ ادا کریندوں۔ انہاں آکھیا جو ڈاکٹر مختار برتھ اتے عائشہ رضا فاروق دی نگرانی اچ صوبائی حکومتاں نال رل تے پولیو مہم دے خاتمے دی جنگ اساں جتسوں۔ ماضی دی مشکلات پاروں پاکستان اچ پولیو سے سٹھ نویں کیسز آئن جو اساں کیتے چیلنج ہن۔ پاکستان توں پولیو دے پورے خاتمے کیتے پرعزم ہیسے، والدین پولیو مہم اچ ورکرز نال تعاون کرن۔ انہاں پولیو دی فیلڈ ٹیماں دی تعریف کریندیں ہوئیں آکھیا جو او عزم اتے بہادری نال پاکستان توں پولیو دے خاتمے کیتے محنت کریندے پئن۔ ایں بارے قانون نافذ کرݨ آلے ادارے وی قابل تعریف ہن او شمالی وزیرستان سودھے خیبر پختونخوا اتے بلوچستان دے علاقیاں اچ جتھ سکیورٹی دے چیلنجز ہن، او اتھ تعاون کریندن۔ صوبائی حکومتاں دا وی شکریہ ادا کریندوں۔ اساں دعا کریندوں جو اللہ پاک اساکوں ہمت ݙیوے اتے اساݙی فرض شناسی ودھارے تانجو اساں ایں ملک توں پولیو دا ہمیشہ کیتے خاتمہ کر تے ساہ ڳھنوں۔ کوآرڈینیٹر مختار برتھ آکھیا جو ملک اچ پولیو دی ایں سال دی اے چھیکڑی مہم اے جئیں اچ چار لکھ توں پولیو ورکرز 16 توں 19 دسمبر تئیں ٻالاں کوں پولیو دے قطرے پلیسن۔ ایں موقع تے وزیراعظم شہباز شریف پںڄ سالیں توں ڳھٹ عمر دے ٻالاں کوں پولیو دے قطرے پلا تے ایں سال دی چھیکڑی پولیو مہم شروع کیتی۔
