اسلام آباد۔15اکتوبر (اے پی پی) صدر مملکت آصف علی زرداری آکھیا جو پاکستان اتے کرغزستان وچال ݙوپاسہ تجارتی حجم ودھاوݨ دی لوڑھ اے، ڈوپاسہ تجارت اچ قابل قدر مصنوعات اتے تنوع ودھایا ونڄ سڳدے۔ کرغزستان نال سارے آپسی دلچسپی دے شعبیاں اچ تعاون ودھاوݨ چاہندوں۔ ایوان صدر دے پریس ونگ توں جاری بیان موجب اے ڳالھیں صدر مملکت آصف علی زرداری کرغزستان دے وزرا دی کابینہ دے چیئرمین ژاپاروف اکیل بیک نال ملاقات اچ آکھی جنہاں صدرمملکت نال منگل کوں ملاقات کیتی۔ صدرمملکت آکھیا جو ݙوہیں ملکاں وچال ݙوپاسہ تجارتی حجم ودھاوݨ دی لوڑھ اے۔ ݙوپاسہ تجارت قا قابل قدر مصنوعات اتے تنوع ودھایا ونڄ سڳدے۔ صدرمملکت آکھیا جو کرغزستان کراچی اتے گوادر بندرگاہیں توں فیدہ چا سڳدے۔ انہاں آکھیا جو کرغزستان نال سارے آپسی دلچسپی دے شعبیاں اچ تعاون ودھاوݨ چاہندوں۔ صدر مملکت آصف علی زرداری آکھیا جو سلامتی کونسل دی غیر مستقل سیٹ تے پاکستان دے کامیاب انتخاب اچ کرغزستان دی حمایت تے شکریہ ادا کریندوں۔ ملاقات اچ کرغزستان دے وزرا دی کابینہ دے چیئرمین ژاپاروف اکیل بیک ڳالھ مہاڑ کریندیں ہوئیں آکھیا جو دوست ملکاں نال تجارت ودھاوݨ کرغزستان دی ترجیح اے۔ کرغزستان معیشت ، کاروبار اتے ٹیکنالوجی دے شعبیاں اچ ݙوپاسہ تعاون ودھاوݨ چاہندے۔ ژاپاروف اکیل بیک آکھیا جو کرغزستان دی معاشی ترقی پاروں تعمیراتی اتے ٹیکسٹائل شعبے اچ افرادی قوت کیتے وݙے موقع ہن۔ انہاں آکھیا جو کرغز شہریاں کیتے پاکستانی ویزے دے اجرا دا عمل سوکھا ٻݨاوݨ تے شکریہ ادا کریندوں۔
