لاہور۔21جنوری(اے پی پی) وزیراعظم محمد شہباز شریف آکھیے حکومت آزادیِ صحافت کوں ملک اچ شفافیت تے احتساب کیتے کلیدی اہمیت ݙیندی اے،پاکستان اتے جرمنی وچال صحافتی سطح تے تعلقات کوں مزید ودھاوݨے چاہیدن ،وزارتِ اطلاعات جرمن پریس فیڈریشن دے نال رل تے پیشہ ورانہ تبادلے دی غرض نال تربیت گاہ دے قیام کیتے پبلک پرائیویٹ پارٹنرشپ تے کم شروع کریسی ۔ہفتے کوں وزیراعظم آفس دے میڈیا ونگ توں جاری بیان موجب وزیرِ اعظم محمد شہباز شریف نال جرمن پریس فیڈریشن دے صدر کرسچئین زرم دی زیرِ قیادت ترائے رکنی وفد ملاقات کیتی۔ملاقات اچ وفد ݙوہیں ملکاں وچال ایں شعبے اچ تعاون ودھاوݨ کیتے صحافتی وفد دے تبادلے دی تجویز ݙتی جیں دا وزیرِ اعظم خیرمقدم کیتا۔ملاقات اچ وزیرِ اطلاعات مریم اورنگزیب، معاونِ خصوصی سید فہد حسین، سیکٹری اطلاعات اتے متعلقہ اعلی حکام شرکت کیتی۔
