اسلام آباد۔27ستمبر(اے پی پی):پاکستان آکھیے جو بھارت کوں اپݨے سفارتی رویے دا سنجیدگی نال جائزہ ڳھنݨا ہوسی۔ دفتر خارجہ دے ترجمان عاصم افتخار بھارتی وزیر خارجہ دے غیر ضروری ریمارکس بارے میڈیا کوں ولدا ݙیندے آکھیے جو پاکستان دے امریکہ نال تکرے اتے وسیع البنیاد تعلقات ہین جیڑھے خطے اچ امن، سلامتی و استحکام ودھاوݨ اچ اہم اہین، اڄ پاکستان اتے امریکہ دے تعلقات تکڑے اتے کثیرالجہتی ٻݨ ڳین، عام دے رابطے وی ودھدے پن۔ ترجمان بھارت تے زور ݙتے جو او بین الریاستی تعلقات دے بنیادی اصولاں دا احترام کرے اتے امریکہ و پاکستان دے تعلقات تے تبصریاں توں گریز کرے۔ ترجمان آکھیا جو بھارت کوں اپݨے سفارتی طرز عمل دا سنجیدگی نال جائزہ قھنݨا چاہیدے۔
