اسلام آباد۔12جولائی (اے پی پی):وزیراعظم شہباز شریف دی ہدایات تے اسلام آباد تے پنجاب دے مختلف شہراں دی انتظامیہ شہری علاقیں کوں صاف کرݨ کیتے وݙے پیمانے تے صفائی آپریشن شروع کیتے جیں دے نتیجے اچ عیدالاضحیٰ دے موقع تے وفاقی دارالحکومت تے پنجاب اچ شہراں کوں صاف رکھݨ اچ مدد ملی ۔ عیدالاضحیٰ دے موقع تے جانوراں دے فضلے، آلائشاں اتے اوجھڑیاں کوں ٹھکاݨے لاوݨ ہمیشہ اوکھا چیلنج رہیے تاں جو اڄوکے سال وزیراعظم شہباز شریف تے وزیراعلیٰ پنجاب حمزہ شہباز شریف دی قیادت اتے رہنمائی اچ ضلعی انتظامیہ مقررہ کچرا سٹݨ دیاں جاہواں تے جانوراں دیاں آلائشاں کوں مناسب طریقے نال ٹھکاݨے لاتے ۔ سالڈ ویسٹ مینجمنٹ کمپنیاں ترک شراکت دار البراک کارپوریشن نال تعاون قائم کیتا جیں توں صوبہ پنجاب دے ساارے وݙے شہراں اچ فضلہ کٹھا کرݨ تے ٹھکاݨے لاوݨ دا چنڳاں انتظام کیتا ڳئے ۔ کمپنیاں آپݨے فعال تے متحرک عملے دے ذریعے بالخصوص عیدالاضحیٰ دے موقع تے پنجاب دے مختلف علاقیں اچ فضلے کوں ٹھکاݨے لاوݨ کیتے بہترین طریقہ کار اختیار کیتا۔ وفاقی دارالحکومت اچ وی وزیراعظم شہباز شریف دی ہدایت تے ایں طریقہ کار تے عملدرآمد کیتا ڳئے۔
