اسلام آباد۔17دسمبر(اے پی پی)وفاقی وزیر اطلاعات و نشریات چوہدری فواد حسین آکھیے جو عمران خان او کلہے لیڈر ہین جیندا پورے ملک اچ ووٹ بینک اے، پاکستان تحریک انصاف دے سوا کوئی سیاسی جماعت 1100 نشستاں تے اپݨے انتخابی امیدوار کھڑے نئیں کر سڳدی، پنجاب اچ پی ٹی آئی اتے ن لیگ ڄݙاں جو سندھ اچ پی ٹی آئی اتے پی پی پی دا مقابلہ ہوسی، باقی صرف مہمان اداکار ہوسن جیندی کوئی حیثیت نئیں۔ اے ڳالھ انہاں”سیاسی منظر نامہ“ سانڳے ٹویٹر سپیس تے الیندے آکھی۔ انہاں ٹویٹر صارفین دے سوالاں دا ولدا وی ݙتا۔ انہاں آکھیا جو پاناما لیکش ملک اچ سیاسی تبدیلی دی وجہ ٻݨیے اتے اساں ن لیگ کوں بے نقاب کیتے۔ اے آڈیو ویݙیو لیکاں سیاسی فیدہ چاوݨ دے حربے ہین ٻیا کڄھ نئیں، عمران خان پاکستان اچ ݙو جماعتی نظام تروڑیے، 30 سال حکومت اچ رہݨ آلیاں کوں آئوٹ کرݨ سوکھا نا ہا، فیک نیوز بارے ہک بل تیار اے جو قوانین توں بغیر سدھار آوݨ آلا نئیں، میڈیا دے کڄھ گروپس نئیں چاہندے جو میڈیا ریگولیشنز تھیون ٻھل ریگولیشنز ضرور تھیسن۔
