اسلام آباد 04 جون (اے پي پي) وزيراعظم عمران خان وئيلي دي د تحريك پاكستان نه پس نظام بدلولو لپاره د ټولو نه زياتې هلې ځلې اوس كېږي ٬ مافيا د دې ناكامۍ لپاره هڅې كوي٬ خو دا هلې ځلې زمونږ نسلونو لپاره مهمې دي٬ پاكستان د سخت وخت نه راوتلے٬ اوس د معاشي پرمختګ٬ په دولت كښې د اضافې او د روزګار كولو وخت دے٬ د 60 د لسيزي غوندې ګرين انقلاب لپاره اقدامات كوٶ٬ مافيا د حكومت جوړېدو سره د حكومت د ناكامۍ شور پېل كړے ٶ۔ د دې خيالاتو څرګندونه وزيراعظم د جمعې په ورځ د لودهراں نه تر ملتان د سترې لارې د اپ ګرېډېشن او بحالۍ منصوبې د بنياد تيګې اېښودو دستورې ته خپله وېنا كښې وكړه۔ په دې موقع وفاقي وزيران شاه محمد قرېشي او مراد سعيد هم موجود وو۔ وزيراعظم ووئيل د تېرو دورونو نه مونږ يو په درې زيات سړكونه جوړ كړي ٬ د لودهراں نه تر ملتان دا مهمه ستره لاره ده كومه چې درې ضلعې يو بل سره تړي ٬ دې سره به د سفر وخت كم شي ۔ وزيراعظم ووئيل كله چې مونږ اقتدار له راغلو نو په و??وم??ۍ اوونۍ كښې دا پوښتنه شوې وه چې چرته دے نوے پاكستان او د حكومت د ناكامۍ خبرې كېدې ، مونږ دوه نيم كاله په صبر سره تېر كړب٬ په مخالفه ډله پوهه وٶ چې تر اېن آر او به تنقيد كوي، ميډيا هم په مونږ تنقيد كولو٬ ډېر سخت وخت تېرېدو٬ هره ورځ به په مونږ ټكونه كېدل، ميډيا دا تاثر وركړے ٶ چې په بټن پرېس كولو سره به نوے پاكستان جوړ شي۔ وزيراعظم ووئيل بدلون په هلو ځلو راځي٬ بې د هلو ځلو يوه معاشره نه بدلېږي٬ ھغه نظام چې پكښې خلقو د خپلو مفادو پنجې ښخې كړې وې ھغه بې د هلو ځلو بدلېدل ممكن نه دے۔ده ووئېل د فېرنګيانو په ضد د ډېرو سټرو نه پس آزادي ترلاسه شوې ٬ د قائد هلې ځلې زمونږ په وړاندې دي ۔ وزيراعظم ووئيل د مافيا څخه آزادي يا د نظام بدلېدل د هلو ځلو د لارې راځي٬ د كال 1947 نه پس پاكستان كښې نظام بدلول او د مافيا څخه آزادۍ لپاره دا زياتې مهمې ھڅې دي، په دې مهال مافيا د حكومت ناكامي لپاره كوشش كوي۔ ده ووئېل طاقتور د قانون تابع كول دي۔ وزيراعظم ووئيل په ټولو سوكاله هېوادونو كښې د قانون سرلوړي ده، هلته نه قبضه مافيا٬ نه چيني فافيا او نه سياسي مافيا شته۔ وزيراعظم ووئيل پي ډي اېم ځان جمهوري ګڼي خو پوځ ته وائي چې حكومت ډي رېل كړه٬ هغوي د ذاتي مفادات جنګ كوي ٬ د هغوي په اربونو ډالره بهر پراته دي ٬ اوس د هغوي ټولې غلاګانې رامخې ته كېږي٬ دوي هڅې كوې چې په څه طريقه حكومت ډي رېل شي۔ وزيراعظم ووئيل د كرونا وباء باوجود شرح نمو 4 فيصد ده٬ هند زمونږ ن?? په معاشي اعتبار سره ښه ٶ٬ روپۍ او د زرمبادله پانګې ئې مستحكمې وې خو د دغې په مقابل كښې مونږ خپل خلق او معيشت بچ كولو كښې بريالي شوي يو۔ ده ووئيل پاكستان د سخت وخت نه راوتلے٬ د ٦٠ په لسيزه كښې د پاكستان معيشت ?? آسياء څلورم لوئې معيشت ٶ٬ مونږ هم په هغه پاليسۍ عمل كوٶ٬ صنعت او كركيلې ته ترقي وركوٶ٬ فصلونه د تاريخ لوړې كچې ته رسېدلي٬ كروندګرو ته د ګنو بيعه په وخت وركولو سره د ګني رېكارډ پېداور رامخې ته شوے۔ ده ووئيل كروندګرو لپاره چې كوم كسان پېكج وړاندې كوٶ ھغې سره به د ٦٠ د لسيزې انقلاب يو ځل بيا راشي۔ چين سره د سي پېك په دوېم پړاٶ كښې صنعتونه لګولې كېږي٬ آئي ټي ته پام لرنه كوو۔ د پاكستان زياتره آبادي په ځوانانو مشتمله ده٬ شل كاله وړاندې چې په دې څانګه كوم كار كول پكار ؤ ھغه نن كوٶ۔ وزيراعظم ووئيل هېواد كښې لس لوئې بندونه جوړېږي٬ په انتخابي سياست كښې ګټې لپاره په ماضي كښې چا دې پلو پام نه ٶ كړے ٬ راتلونكې كول د نړيوال حدت نه بچ كولو لپاره لس اربه ونې نالوو او قامي پاركس جوړوو۔ وزيراعظم عمران خان ووئيل پاكستان كښې د سېلګرۍ بلها موقعې شته ٬ دولس موسمياتي زون شته ٬ په ماضي كښې چې به چا په لندن چهټيانې تېرولې او اخترونه به ئې كول هغوي د دې نعمتونو نه خبر نه وو۔ وزيراعظم ووئيل د كرونا په سبب د سېلګرۍ څانګې وځپلې شوه خو د واكسينېشن نه پس دا څانګه بحالېږي، دې څانګې سره د غېر ملكي زرمبادله پانګې زياتېدې شي، د كرنټ اكاٶنټ فشار ختمولے شوو ۔ وزيراعظم ووئيل پاكستان كښې تعميراتي څانګې ته زيات مراعات وركړے شوي٬ د سيمنټ ريكارډ خرڅ شوے٬ د نيا پاكستان هاٶسنګ منصوبې لپاره د قرض وركولو په لاره كښې رامخې ته خنډان لرې كړې شوي٬ بېنكونو ته د 60 اربه روپو قرض ډيمانډ راغلے۔وزيراعظم ووئېل داسې خلق چې د خپل كور سوچ ئې هم نشو كولے اوس به د دوي خپل كور وي ۔ وزيراعظم ووئيل بېنكونو څخه د پور اغستو نه علاوه دې مصنوبې لپاره نورې ذريعې هم معرفي كوٶ٬ په دې لړ كښې د خزانې وزير كار كوي۔ وزيراعظم عمران خان ووئيل تعميراتي څانګې سره 30 صنعتونه تړلې دي په راتلونكو ورځو كښې به په قام نور زيري وكړو۔
