اسلام آباد۔11اگست (اے پی پی):وفاقی وزیر دفاع خواجہ محمد آصف آکھیے جو اڄوکے سال آئیڈیا 2022 اچ ملکی و بین الاقوامی دفاعی صنعت توں بھرپور ریسپانس ملسی ، دفاعی نمائش دی کامیابی کیتے پرعزم ہیسے ، گزریل 20 سال دے دوران ہر گزددے سال اچ دفاعی ہتھیاراں دی نمائش آئیڈیاز پہلے توں ودھ نمایاں تھیوݨ ٻہوں خوشی دا باعث اے۔ او خمیس کوں مقامی ہوٹل اچ ڈیفنس ایکسپورٹ پرموشن آرگنائزیشن (ڈی ای پی او) دے زیر اہتمام 11ویں انٹرنیشنل ڈیفنس ایگزبیشن و سیمینار دی سافٹ لانچنگ تقریب توں خطاب کریندے پئے ہن ، ݙو ݙینھ وار انٹرنیشنل ایگزبیشن و سیمینار 15 توں 18 نومبر ایکسپو سینٹر کراچی اچ تھیسی ۔ وزیر دفاع خواجہ محمد آصف آکھیے جو دفاعی ہتھیاراں دی نمائش دی اہمیت اچ ہر گزدے سال ودھارا تھیندا پئے تے اے نمائش بین الاقوامی سطح تے نمایاں تر تھیندی پئٰ اے انہاں آکھے میں امید کرینداں جو ایں سال وی آئیڈیاز نمائش و سیمینار دا انعقاد بھرپور کامیاب رہسی تے ملکی تے بین الاقوامی دفاعی صنعت توں بھرپور رسپانس ملسی ایندے توں پہلے تقریب اچ آمد تے وفاقی سیکریٹری دفاعی پیداوار لیفٹیننٹ ریٹائرڈ ہمایوں عزیز اتے ڈائریکٹر جنرل ڈیفنس ایکسپورٹ پروموشن آرگنائزیشن (ڈیپو) میجر جنرل محمد عارف ملک وفاقی وزیر دفاع دا استقبال کیتا۔ وفاقی وزیر آپݨے خطاب دے اختتام تے دفاعی نمائش و سیمینار دے انعقاد دا باضابطہ اعلان کیتا۔
