اسلام آباد۔14ستمبر (اے پی پی):وفاقی وزیر منصوبہ بندی ترقی اصلاحات وخصوصی اقدا مات ونیشنل کمانڈ آپریشن سنٹر دے سربراہ اسد عمر آکھیے جو 16 ستمبر ستمبرتوں 50 فیصد حاضری دے نال تعلیمی ادارے کھولیے ویسن ، 50 فیصد مسافراں دے ںال پبلک ٹرانسپورٹ کھولݨ دا فیصلہ کیتے۔ اسلام آباد دی 52 فیصد آبادی دی ویکسی نیشن تھی ڳئی اے اے ڳال انہاں منڳل کوں این سی او سی اچ نیوز کانفرنس اچ آکھی اے ، انہاں آکھیے جو ہسپتالاں اچ بہوں گھٹ نگہداشت دی وارڈز اچ کووڈ۔19 دے مریضاں دا دبائو اے، کوشش اے آکسیجن دی فراہمی اچ رکاوٹ نہ آوے، کجھ ہفتے دےدوران آکسیجن دی طلب اچ ودھارا تھیا ، وبا دی صورتحال بہتر تھئی اے مگر خطرہ مکمل طور تے مکیا کائنی ، کووڈ۔19 دے 5300 مریض ہسپتالاں اچ آکسیجن تے ہن ، لاپرواہی، ایس او پیز کوں نظرانداز کرݨ کورونا کیسز اچ ودھارے دا باعث بݨیا ۔اسد عمر آکھیے جو 24 اچوں 18 ضلعیں اچ وبا دی صورتحال اچ بہتری آئی اے، 6 ضلعیں اچ بندشاں قائم رہ ویسن انہاں وچ لاہور، فیصل آباد، ملتان، سرگودھا، گجرات اتے بنوں شامل ہن، 6 ضلعیں اچ آئوٹ ڈور ڈائننگ دا ٹائم ودھا تے 12 وڄے تئیں کیتا ویندا پئے ، انہاں آکھیے اساں ملک دے 24 ضلعیں اچ کیسز دی تعداد دے پیش نظر 4 توں 15 ستمبر تئیں زائد بندشاں لاتیاں ہن تاں جو انہاں وچوں 18 ضلعیں اچ صورتحال بہتر تھی ڳئی اے ، انہاں آکھیے جو مذکورہ 18 ضلعیں اچ وی کورونا پابندیاں قائم رکھیسوں جیویں ملک دے ٻئے حصیں اچ نافذ ہن ۔
