ٽوڪيو – 08 جنوري (اي پي پي) جاپان ۾ زلزلي سبب فوتين جو انگ وڌي 161 ٿي ويو. شنهوا مطابق جاپان جي مرڪزي پريفيڪچر اشيڪاوا ۾ مقامي وقت مطابق صبح جو 9 وڳي تائين هڪ هفتو اڳ آيل زلزلي سبب اجل جو شڪار ماڻهن جو انگ وڌي 161 تائين پهچي ويو آهي. رپورٽ ۾ مقامي اختيارين جي حوالي سان ٻڌايو آهي ته زلزلي کانپوءِ هن وقت تائين 103 ماڻهو گم آهن جڏهن ته 565 ماڻهو زخمي آهن. واضح رهي ته گذريل سومر تي جاپان جي مرڪزي علائقي ۾ آيل 7.6 درجا شدت جي زلزلي کانپوءِ ڪيترائي آفٽر شاڪس پڻ رڪارڊ ڪيا ويا آهن.
