واشنگٽن-04 آڪٽوبر (اي پي پي) آمريڪي پرڏيهي وزير انٽوني بلنڪن چيو آهي ته صدر جوبائيڊن روس سان سڌي ريت تڪرار کان بچڻ جي ڪوشش ڪري رهيو آهي. هن رائيس يونيورسٽي جي بيڪر انسٽيٽيوٽ فار پبلڪ پاليسي ۾ ڳالهائيندي چيو ته جوبائيڊن يوڪرين جي حوالي سان سڌي ريت تڪرار کان بچڻ چاهي ٿو. هن چيو ته آمريڪي صدر جو يوڪرين ۽ روس جي تڪرار جي شروعات کان ئي يوڪرن جي حمايت ڪرڻ ۽ ٻين ملڪن کي ان حوالي سان گڏ ملائڻ تي موقف واضع هو. هن چيو ته روس سان سڌي ريت تڪرار کان پاسو ڪري رهيا آهيون ڇاڪاڻ ته آمريڪي عوام جي سلامتي پهرين ترجيح آهي.
