اسلام آباد۔1نومبر(اے پی پی) قائم مقام صدر سید یوسف رضا گیلانی مستونگ اچ بم دھماکے دی شدید مذمت کریندے آکھیے دہشتگرد عناصر انسانیت دے دشمن ہن ۔ ایوان صدر دے پریس ونگ موجب قائم مقام صدر دا ٻالاں تے پولیس اہلکار دے جاں بحق تھیوݨ تے ݙکھ تے افسوس کیتے ۔ انھاں آکھیے ساݙی قوم دہشت گردی مکاوݨ سانڳے آپݨی سکیورٹی فورسز تے قانون نافذ کرݨ آلے اداریں دے رلے کھڑی اے ۔قائم مقام صدر ملک توں دہشت گردی منڈھوں مکاوݨ دا عزم کیتے ۔ انھاں لواحقین نال افسوس کیتا تے انہاں کیتے صبر دی دعا منڳی۔
