اسلام آباد۔30ستمبر (اے پی پی) سپیکر قومی اسمبلی سردار ایاز صادق فلسطین، یمن اتے لبنان تے اسرائیلی حملیاں دی مذمت کریندیں ہوئیں اقوام متحدہ توں ایندا سخت نوٹس ڳھنݨ دی اپیل کیتی اے۔ سنوار کوں آپݨے مذمتی بیان اچ انہاں اسرائیل دے ہتھوں لبنان دے معصوم شہریاں دے قتل تے ݙکھ، افسوس اتے سوگوار ٹٻراں نال ہمدردی کیتی۔ سپیکر قومی اسمبلی آکھیا جو اسرائیل دے ہتھوں فلسطین اتے لبنان دے معصوم شہریاں دے قتل عام تے دل ݙکھی اے۔ پاکستانی عوام دل فلسطین اتے لبنان دی عوام نال دھڑکدن۔ ایں اوکھ اچ پاکستاند ی پارلیمان اتے عوام فلسطین اتے لبنان دی عوام نال یکجہتی کریندی اے۔ انہاں آکھیا جو اسرائیل دا فلسطین اتے یمن دے بعد لبنان تے جاری فضائی حملے خطے اچ جنگی جاناں دا منہ بلیندا ثبوت ہن۔ فلسطین اچ 42 ہزار معصوم شہریاں دے قتل عام دے باوجود اسرائیل دا جنگی جنون نی مُکیا۔ انہاں آکھیا جو اسرائیل فلسطین دے بعد یمن اتے لبنان تے حملے کر تے دنیا دے امن کوں چیلنج کیتے۔ سپیکر قومی اسمبلی آکھیا جو اسرائیل دے مذموم مقاصد نال مشرق وسطیٰ دے امن کوں خطرہ اے۔ نیتن یاہو دی اقوام متحدہ دے فورم تے کھڑ تے دھمکیاں تشویشناک اتے قابل مذمت ہن۔ اسرائیل دے مذموم عزائم کوں نہ روکیا ڳیاں تاں اے جنگ پورے خطے کوں آپݨٰی ولھیٹ اچ ڳھن سڳدی اے۔
