اسلام آباد۔18نومبر (اے پی پی) وفاقی وزیر برائے دفاعی پیداوار محمد اسرار ترین آکھیا جو اساݙے ملک عالمی مارکیٹ اچ بہترین اتے ٹیکنالوجی دے لحاظ نال جدید ترین فضائی اتے زمینی آلات دی نمائش کیتی اے۔ او جمعے کوں ایکسپو سینٹر کراچی اچ تھیوݨ آلی آئیڈیاز 2022 دی چھیکڑی تقریب توں خطاب کریندے پے ہن۔ انہاں آکھیا جو پاکستان ہمیشہ ایں حقیقت دا خیال رکھیندے جو ہتھیار امن دی سہولت فراہم کریندن، ایں مسابقتی دنیا اچ ہک ہم آہنگی اتے امن پسند ملک دے طور رہوݨا چاہیدے۔ وفاقی وزیر محمد اسرار ترین آکھیا جو آئیڈیاز 2022 دا مقصد اپݨی مصنوعات دی نمائش، بین الاقوامی سطح وے وݙے ایونٹ دی منصوبہ بندی اتے آپݨی تنظیمی صلاحیتاں ݙکھاوݨ اتے خطے دے سکیورٹی مسئلیاں تے اپݨے خیالات کوں سںجاݨ تے ہک بہترین بین الاقوامی پلیٹ فارم ݙیوݨ ہئی۔ انہاں آکھیا جو اڄوکے ماحول دے تحت آئیڈیاز 2022 دا کامیابی نال تھیوݨ پاکستان دی ہک جدید، ترقی پسند اتے روادار سیاست دے طور امیج ٻݨاوݨ دا مظہر اے جیڑھا عالمی برادری نال پر امن طور نال رہوݨ کیتے تیار اے۔ ہک سوال دےولدے اچ انہاں آکھیا جو اساں آئیڈیاز 2022 دے انعقاد دے سارے اہداف پورے کر ڳھدن۔ 64 ملکاں دی تقریباً 285 غیر ملکی دفاعی وفود شریک تھین جئیں توں نمائش دی اہمیت تے کامیابی دا پتہ لڳدے۔ آئیڈیاز 2022 دی سائیڈ لائن تے 30 توں ودھ ایم او یوز تے دستخط کیتے ڳن۔ آئیڈیاز 2022 اچ اساݙی کجھ وݙی مقامی طور تے ٻݨائی ڳی مصنوعات دی نمائش کیتی ڳی اے جئیں اچ مین بیٹل ٹینک، الخالد، الضرار، JF-17 تھنڈر فائٹر ایئر کرافٹ، آرمرڈ پرسنل کیریئرز، اتے آرمڈ یو اے وی وغیرہ شامل ہن۔
