اسلام آباد۔10فروری(اے پی پی)پاکستان بھارتی ریاست کرناٹک اچ مسلم طالبات دے حجاب پاوݨ تے پابندی دی مذمت کیتی اے۔ ترجمان وزارت خارجہ ولوں ݙسایا ڳئے جو ایں اقدام تے بھارتی ناظم الامور کوں وزارت خارجہ اچ سݙیا ڳئے تے پاکستان اپݨا احتجاجی مراسلہ ݙتے۔ پاکستان اینڄھے واقعات تے چنتا کریندے ہوئے ایکوں انسانی ھقوق، بھارت اچ اقلیتاں تے دبائو ودھاوݨ دی کوشش قرار ݙتے اتے شدید مذمت کیتی اے۔ ترجمان دفتر خارجہ عاصم افتخار آکھیے جو پاکستان بھارتی ناظم الامور تے زور ݙتے جو او بھارتی حکومت کوں پاکستان دا چنتا ݙساوے اتے اینڄھے واقعات روکݨ کیتے اقدامات کیتے ونڄن۔ ترجمان موجب بھارت اچ منفی دقیانوسی تصورات اتے وانڄھ تھیندا پئے، بی جے پی قیادت دی خاموشی اتے ہندوتوا دے حامیاں دے خلاف قابل فہم کارروائی نی تھیوݨ تے چنتا اے۔
