اسلام آباد۔29جولائی (اے پی پی) وفاقی وزیرخزانہ تے محصولات مفتاح اسماعیل آکھیا جو امریکا اتے پاکستان وچال پراݨے، وسیع البنیاد اتے کثیر الجہتی سانجھے داری اے۔ نہاں اے ڳالھ جمعے کوں پاکستان اچ امریکا دے سفیرڈونلڈبلوم نال ملاقات اچ ڳالھ مہاڑ کریندیں ہوئیں آکھی۔ ایں موقع تے امریکی سفارت خانہ دے اقتصادی قونصلرآرون فش مین ،ٹریژری اتاشی مس لاریٹا بولڈن ، وزیرمملکت خزانہ عائشہ غوث پاشا ، خصوصی سیکرٹری خزانہ اتے وزارت خزانہ دے ٻئے سینئر افسر موجود ہن۔ وزیرخزانہ امریکی سفیرکاگرمجوشی نال استقبال کیتا اتے انہاں کوں سفیر دا منصب سنبھالݨ تے مبارخ ݙتی۔ انہاں آکھیا جو امریکا اتے پاکستان وچال پراݨے، وسیع البنیاد اتے کثیر الجہتی سانجھے داری اے۔ وزیرخزانہ حکومت دی اقتصادی ترجیحات اتے پالیسیاں تے روشنی پاتی ۔ وزیرخزانہ امریکی سفیر دا شکریہ ادا کیتا اتے اڄوکی حکومت ولوں امریکا نال ݙو پاسہ اقتصادی، تجارتی اتے سرمایہ کاری تعلقات کوں ودھاوݨ دا عزم کیتا۔
