اسلام آباد ۔ 2 اپریل (اے پی پی) الیکشن کمیشن عوام کوں آکھے جو او 24 اپریل تئیں آپنڑیں ووٹ دے اندراج، منتقلی اتے درستگی کوائف کیتے فوری طور تے ڈسٹرکٹ الیکشن کمشنر نال رابطہ کرنڑ۔ ایں توں علاوہ سارے ملک اچ بنڑائے گئے 15 ہزار ڈسپلے مرکزاںتوں آپنڑیں ووٹ بارے رہنمائی وی گھن سگدے ہن ۔ انتخابی فہرستاں اچ ووٹ دے اندراج، منتقلی اتے کوائف دی درستگی اچ 23 ڈینھ باقی رہ گئے ہن ۔ الیکشن کمیشن عوام دی سہولت سانگے موبائل فون تے 8300 ایس ایم ایس سروس وی اپ ڈیٹ کرڈتی ہے جیندے کیتے ہر پاکستانی آپنڑاں شناختی کارڈ نمبر 8300 تے بھیج تے آپنڑیں ووٹ بارے معلومات حاصل کر سگدے ۔
.jpg)
