لاہور۔10جولائی(اے پی پی) وزیراعلی پنجاب مریم نواز شریف نیلم ویلی شاہراہ دیولیاں دی جاہ تے جیپ حادثے اچ قیمتی انسانی جاناں دے ضیان تے ݙکھ تے افسوس کیتے ۔ تعزیتی بیان اچ انہاں آکھیے اللہ تعالی مرحومین کوں جنت الفردوس اچ جاہ ݙیوے تے لواحقین کوں اے ݙکھ حوصلے تے ہمت نال برداشت کرݨ دی توفیق ݙیوے ۔ انہاں زخمیاں دی وختی صحت سانڳے وی دعا منگی۔ وزیر اعلی پنجاب ہدایت کیتی جو زخمیاں کوں چنڳیاں طبی سہولتاں ݙیوݨ اچ کوئی کسر نہ چھوڑی ونڄے
