لاہور۔23ستمبر(اے پی پی) لاہور دے علامہ اقبال انٹرنیشنل ایئرپورٹ تے آذربائیجان ایئر لائنز دی پہلی پرواز جمعہ اتے ہفتہ دی وچلی رات پڄی ۔ترجمان پی آئی اے موجب نگران وزیراعظم دے مشیر ہوا بازی ائیر مارشل (ر) فرحت حسین ملک، سفیر اسلامی جمہوریہ آذربائیجان علی فکرت اوگلو مہماناں اتے مسافراں دا استقبال کیتا۔آذر بائیجان توں آوݨ آلی پرواز اچ مسافراں دے نال نال اہم شخصیات وی صوبائی دارالحکومت پڄن، لینڈنگ تے واٹر سلیوٹ دے ذریعے پرواز دا پرتپاک استقبال کیتا ڳئے۔ چیف آپریٹنگ آفیسر لاہور ایئرپورٹ نذیر احمد خان سودھے ٻئے اداریں دے سربراہان بورڈنگ گیٹ تے کیک کٹیا اتے افتتاحی پرواز دی لاہور ایئرپورٹ تے لینڈنگ دا خیر مقدم کیتے۔
