گڏيل قومون- 07 سيپٽمبر (اي پي پي) گڏيل قومن جي سيڪريٽري جنرل انتونيوگوتريش چيو آهي ته ماحولياتي تباهي شروع ٿي وئي آهي پر اڃا به وقت آهي دنيا کي بدترين تباهي کان بچائي سگهجي ٿو، جاري ڪيل پنهنجي بيان ۾ سيڪريٽري جنرل چيو ته سائنسدان ڊگهي عرصي کان فوسل ٻارڻ تي دارومدار جي ممڪنه خطرات بابت خبردار ڪري رهيا آهن ۽ هاڻي حالتون اهي آهن ته موسمياتي واقعن سبب دنياجو هر حصو متاثر ٿي رهيو آهي، هن چيو ته اسان جو سيارو شديد گرمي جي دور مان گذري رهيو آهي، موسمياتي تباهي جي شروعات ٿي چڪي آهي، عالمي اڳواڻن کي ماحولياتي مسئلن جي حل لاءِ ڪوششون ڪرڻ گهرجن،هاڻي به وقت آهي تي ماحولياتي بحران کي بدترين شڪل اختيار ڪرڻ کان روڪي سگهجي ٿو ، هاڻي اسان وٽ ضايع ڪرڻ لاءِ وقت نه بچيو آهي.
