اسلام آباد – 08 ڊسمبر (اي پي پي) صدر ڊاڪٽر عارف علوي سرڪاري ملازمن تي زور ڏنو آهي ته اهي گورننس، خدمتن جي فراهمي بهتر بڻائڻ تي ڌيان ڏين، بهتر ڪارڪردگي ۽ گورننس جي لاءِ آءِ ٽي جي مدد سان تيزي سان فيصلا ڪرڻ جي ضرورت آهي. اهڙن خيالن جو اظهار هن نيشنل اسڪول آف پبلڪ پاليسي جي 115 هين نيشنل مئنيجمينٽ ڪورس جي شرڪت ڪندڙن کي ايوان صدر ۾ خطاب ڪندي ڪيو. هن چيو ته سرڪاري ملازم گورننس، خدمتن جي فراهمي بهتر بڻائڻ تي ڌيان ڏين، بهتر ڪارڪردگي ۽ گورننس جي لاءِ آءِ ٽي جي مدد سان تيزي سان فيصلا ڪرڻ جي ضرورت آهي، عوام جي سرڪاري ملازمن مان تمام گهڻيون اميدون واڳيل آهن. هن چيو ته سرڪاري ملازم عوام جي اميدن تي پورو لهڻ جي لاءِ ڪوششون ڪن، جديد علم سان گڏ ڪورس جي شرڪت ڪندڙن جي وچ ۾ اعتماد ۽ تعاون جو ماحول پيدا ڪرڻ جي ضرورت آهي. هن چيو ته جديد ترين انفارميشن ٽيڪنالاجي جي ذريعن جو استعمال حڪومت جي ڪارڪردگي وڌائڻ ۾ مددگار ثابت ٿي سگهي ٿو. هن چيو ته آءِ ٽي سيڪٽر ۾ ملڪي روانگي واپار وڌائڻ جي ڀرپور صلاحيت موجود آهي، عورتن جي مالي خودمختياري، وراثت ۾ انهن جي حق جي فراهمي يقيني بڻائڻ جون ڪوششون جاري آهن. هن چيو ته عورتن کي هنرمند بڻائڻ ۽ انهن جي مالي شموليت تي ڌيان ڏيڻ جي ضرورت آهي، اي ڪامرس جي فروغ جي لاءِ ايميزون جي مدد سان تربيت فراهم ڪرڻ جو حڪومتي فيصلو خوش آئنده آهي. صدر چيو ته وڌندڙ آبادي ملڪي وسيلن تي تمام گهڻو دباءُ وجهي رهي آهي، وڌندڙ آبادي جي مضمرات بابت آگاهي جي لاءِ عالم سڳورن ۽ ميڊيا جو تعاون ضروري آهي، ميڊيا ۽ ليڊي هيلٿ ورڪرز جي ذريعي صحت جي مختلف چئلينجز بابت آگاهي جي ضرورت آهي. صدر شرڪت ڪندڙن کي پارليامينٽ جي ڊيجيٽلائيزيشن، ايوان صدر ۾ اي گورننس بابت آگاهه ڪيو، ريڪٽر اين ايس پي پي ڊاڪٽر اعجاز منير ڪورس جي مقصدن تي روشني وڌي. هن چيو ته سول ملازمن جي تربيت کي نظم ۽ ضبط جي جديد ضرورتن جي ڏس ۾ تبديل ڪيو ويو آهي. هن چيو ته اين ايس پي پي گڏيل قومن جي اقتصادي ۽ سماجي معاملن واري کاتي سان تعاون وڌايو آهي ۽ سرڪاري ملازمن جي ذهنيت تبديل ڪرڻ ۽ پائيدار ترقياتي هدف حاصل ڪرڻ جي لاءِ انهن کي تربيت فراهم ڪرڻ تي ڌيان ڏنو آهي.
