اسلام آباد۔26اپریل(اے پی پی):اسلامی تعاون تنظیم (او آئی سی)دے رکن ملکاں وچ روایتی دوائیں تے ایندے نال جڑیے بائیو میڈیکل سائنسز اچ تعاون کوں مضبوط بݨاوݨ کیتے چینی سائنسداناں اتے صنعت کاراں دا ھک اعلیٰ سطح دا وفد پاکستان دا دورہ کریسی ۔ اسلامی تعاون تنظیم دے ذیلی ادارے کامسٹیک دی طرفوں جاری بیان موجب چینی سائنسداناں تے صنعت کاراں دا وفد ادارہ جاتی اتے صنعتی رابطے دے ذریعے قدرتی مصنوعات، بائیو ٹیکنالوجی، مالیکیولر اتے سیل بائیولوجی اتے روایتی دوائیں دے شعبیں اچ تحقیق اتے ترقی اچ تعاون کوں ودھارا ݙیوݨ کیتے مفاہمت دی یادداشت تے دستخط کرݨ کیتے 27 اپریل کوں اسلام آباد اچ کامسٹیک سیکرٹریٹ دا دورہ کریسی ۔ مفاہمتی یادداشت تے دستخط توں عوامی جمہوریہ چین تے او آئی سی دے رکن ملکاں دے درمیان علمی اتے تحقیقی اقدامات کوں تکڑا بݨاوݨ اچ مدد ملسی ۔
