اسلام آباد۔9جون (اے پی پی) وفاقی حکومت آئندہ مالی سال24-2023 دے سرکاری شعبہ دے ترقیاتی پروگراموں (پی ایس ڈی پی) دے تحت انسانی حقوق ڈویژن دے 12 جاری اتے 3 نویں منصوبیاں کیتے 814 ملین روپے رکھیے ڳن۔ جمعے کوں جاری سرکاری شعبہ دے ترقیاتی پروگرام دے مطابق حکومت وزارت انسانی حقوق دے جارتی ترقیاتی منصوبیاں کیتے مجموعی طور تے 184.295 ملین روپے رکھݨ دی تجویز ݙتی جئیں دے تحت انسانی حقوق انفارمیشن مینجمنٹ سسٹم (ایچ آر آئی ایم ایس) کیتے 18 ملین روپے ، وزارت انسانی حقوق اچ پی ایم یو دے قیام کیتے 23 ملین روپے، ڈائریکٹوریٹ جنرل آف سپیشل ایجوکیشن اچ پلاننگ اینڈ مانیٹرنگ یونٹ دے قیام کیتے 5 ملین روپے، خیبرپختونخوا اچ ضم تھیوݨ آلے ضعیاں اچ انسانی حقوق دے سب آفسز کیتے 19 ملین روپے، انسانی حقوق آگاہی پروگرام کیتے 18 ملین روپے، انسانی حقوق کوآرنیشن اینڈ مانیٹرنگ یونٹ کیتے 19 ملین روپے، انسانی حقوق ایکشن سݙݨ تے 8.795 ملین روپے، وزارت انسانی حقوق دی ادارہ جاتی مضبوطی کیتے 31 ملین روپے، اسلام آباد اچ ٹرانس جینڈر پروٹیکشن سینٹر دے پائلٹ پروگرام ٻݨاوݨ کیتے 15 ملین روپے، اسلام آباد دے نجی و سرکاری سکولاں اچ خصوصی ٻالاں دی تعلیم دے پائلٹ پروگرام کیتے 10 ملین روپے، اسلام آباد اچ کثیر النوع معذوراں کیتے سینٹر دی تعمیر دے پی سی ٹو دی فزیبلٹی سٹڈی کیتے 7.500 ملین روپے جڈانجو اسلام آباد دے ایچ -9 سیکٹر اچ چائلڈ پروٹیکشن انسٹیٹیوٹ دے قیام کیتے زمین دے حصول، فیزیبیلٹی اسٹڈی ، ڈیزائن، باؤنڈری وال دی تعمیر کیتے 10 ملین روپے رکھݨ دی تجویز ݙتی ڳی اے۔ وزارت انسانی حقوق کیتے مالی سال 24 ۔ 2023 دے بجٹ اچ سرکاری شعبہ دے ترقیاتی منصوبیاں (پی ایس ڈی پی) دے تحت نئی سکیم کوں شامل کرݨ دی تجویز ݙتی ڳی اے۔ نویں سکیم دے تحت اسلام آباد اچ ٻالڑیاں کیتےچائلڈ پروٹیکشن انسٹیٹیوٹ ٻݨاوݨ کیتے 15.705 ملین روپے، انسانی حقوق تربیتی سنٹر دے قیام کیتے 114 ملین روپے جڈانجو وزیراعظم دے اسٹریٹجک ریفارم انیشی ایٹو برائے ویمن موبیلٹی / ویمن آن وہیلز کیتے 500 ملین روپے رکھݨ دی تجویز ݙتی ڳی اے۔
.jpg)
