اسلام آباد۔27دسمبر(اے پی پی):نگران وزیراعظم انوار الحق کاکڑ آئی ٹی دے شعبے کوں ملکی معیشت کیتے اہم قرار ݙیندے آکھیے جو حکومت آئی ٹی دے شعبے اچ بیرونی سرمایہ کاری کیتے اقدامات کریندی پئی اے، ایں سانڳے چنڳی اڳونہی تھئی اے۔ اسلام آباد اچ سپیشل ٹیکنالوجی زونز اتھارٹی دے بورڈ آف گورنرز دے پنڄویں اجلاس نال خطاب کریندے آکھی۔ انہاں آکھیا جو پاکستان اچ انفارمیشن ٹیکنالوجی دے شعبے اچ ترقی دی وݙی صلاحیت موجود اے، ایں شعبے دی ترقی کتیے پورے ڄق توں آئی ٹی ماہرین سفݨ کیتے پالیسیاں ٻݨایاں ونڄن۔ اجلاس اچ سپشل ٹیکنالوجی زونز اتھارٹی دے بورڈ آف گورنرز دے چوتھے اجلاس دے فیصلاں دی توثیق کیتی ڳئی اتے سپیشل ٹیکنالوجی زونز اتھارٹی دے بورڈ آف گورنرز دے بجٹ و فنانس، آڈٹ اتے ٹیکنیکل کمیٹیاں دی تشکیلِ نو دی منظوری وی ݙتی ڳئی۔ اجلاس اتھارٹی دے لائسنسنگ فریم ورک، اتھارٹی پروسیجرز اتے فیس ریگولیشنز دے مسودات کوں ٹیکنیکل کمیٹی اچ پیش کرݨ دی وی منظوری ݙتی۔
