واشنگٹن۔11اگست(اے پی پی) امریکا اچ پاکستان دے سفیر مسعود خان دنیا اچ ودھدی ہوئی نفرت انگیز تقریراں دے سدباب تے بین المذاہب ہم آہنگی کوں ودھاوݨ کیتے اجتماعی کوششاں دی لوڑھ تے زور ݙتے۔ انہاں گزریل ݙینھ پاکستانی سفارت خانے اچ مذہبی رہنماواں اتے کمیونٹی لیڈرز نال ملاقات اچ بین المذاہب ہم آہنگی کوں ودھاوݨ کیتے پاکستان دے عزم دا اعادہ کریندے ہوئیں آکھیے پوری دنیا اچ عدم برداشت، زینوفوبیا(غیر ملکیاں نال نفرت)، انتہا پسندی اتے مذہبی منافرت دا مقابلہ کرم ساݙی اجتماعی ذمہ واری اے۔ملاقات اچ مختلف مذہب دے نمائندیں تے پاک امریکن کمیونٹی دے لوکاں شرکت کیتی جیں اچ مسلم انسٹی ٹیوٹ دے چیئرمین صاحبزادہ سلطان احمد علی مہمان خصوصی ہن۔وفد اچ اینگلیکن آفس برائے حکومت اتے بین الاقوامی امور دے ایگزیکٹو ڈائریکٹر ریورنڈ کینن جسٹن مرف، المصطفیٰ ٹرسٹ دے محمد عثمان نوری، جارج ٹاؤن یونیورسٹی اچ مسلم لائف اینڈ چیپلینسی دے ڈائریکٹر یحییٰ ہندی، بین المذاہب کارکن ڈاکٹر مقصود چوہدری اتے آؤٹ ریچ اینڈ انٹرفیتھ ڈائریکٹر دار الحجرہ اسلامک سنٹرامام نعیم بیگ شامل ہن۔
