اسلام آباد ۔ 3 جنوری (اے پی پی) وزیراعظم محمد نواز شریف آکھیا جو پاکستان بحرین کوں آپنڑاں قریبی یار اتے با اعتماد سانجھے دار منیندے،اساڈے ڈو پاسہ تعلقات دی جڑاں سانجھی تریخ،ثقافتی رشتیاں اتے پکے عوامی رابطیاں نال جڑی ہوئی ہن۔اے گالھ انہاں نیشنل گارڈ آف بحرین دے کمانڈر لیفٹیننٹ جنرل شیخ محمد بن عیسیٰ بن سلمان الخلیفہ نال منگل کوں وزیر اعظم ہائوس اچ ملاقات کریندیں ہوئیں آکھی۔وزیر اعظم آکھیا جو پاکستان بحرین نال آپنڑے تعلقات کوں بہوں اہمیت ڈیندے اتے مارچ2014اچ شاہ بن عیسیٰ الخلیفہ دا دورہ یادگار ہا جئیں ڈوہاں ملکاں وچال ڈو پاسہ تعاون دی نویں راہواں کھول ڈتیاں ۔وزیراعظم آکھیا جو بحرین اچ پاکستانی برادری ڈوہاں برادر ملکاں وچال ہک پل دا کردار نبھیندی اے اتے پاکستان اتے بحرین دی ترقی تے خوشحالی اچ اہم کردار نبھیندی اے۔۔ نیشنل گارڈ دے کمانڈر ‘ پرتپاک استقبال تے وزیر اعظم دا شکریہ ادا کریندیں ہوئیں بحرین دے شاہ حمد بن عیسیٰ الخلیفہ ولوں نیک خواہشات پجائی۔ وزیراعظم ‘ پاکستان کیلئے سانگے حمد نرسنگ یونیورسٹی دے فراخدلانہ تحفہ تے شاہ حمد بن عیسیٰ دا شکریہ دا کیتا۔
