اسلام آباد۔1جون (اے پی پی) وزیر خارجہ بلاول بھٹو زرداری اردن دے شاہی ٹٻر دی دعوت تے ولی عہد حسین دی شادی اچ شرییک تھیوݨ کیتے اردن اچ ہن۔ اے ڳالھ دفتر خارجہ دی ترجمان ممتاز زہرا بلوچ خمیس کوں پریس بریفنگ اچ ݙسائی۔انہاں آکھیا جو اردن دے دورے دےبعد وزیر خارجہ بلاول بھٹو زرداری عراق دے نائب وزیراعظم اتے وزیر خارجہ ڈاکٹر فواد حسین دی دعوت تے 5 توں 7 جون تئیں عراق دا دورہ کریسن۔ دورے اچ وزیرخارجہ عراقی قیادت نال ملاقاتاں کریسن اتے اپݨے ہم منصب نال تفصیلی ملاقات کریسن۔ وزیر خارجہ اے دورہ عراق دے نائب وزیر اعظم اتے وزیر خارجہ ڈاکٹر فواد حسین دی دعوت تے کریندے پن۔
