اسلام آباد – 28 – آڪٽوبر (اي پي پي) وزيراعظم محمد شهباز شريف چيو آهي ته قوم جي حمايت ۽ هٿياربند فوج جي مدد سان دهشتگردي جي ناسُور جو خاتمو ڪنداسين، پوليو جي خلاف جنگ وڙهندڙ ورڪرز ۽ انهن جي محافظن کي خراج تحسين پيش ڪريون ٿا. وزيراعظم آفيس جي ميڊيا ونگ پاران جاري بيان موجب وزيراعظم شهيد حبيب الرحمان کي خراج عقيدت پيش ڪندي چيو آهي ته پوليو ٽيم جي حفاظت ڪندي شهادت ماڻيندڙ حبيب الرحمان کي قوم سلام پيش ڪري ٿي، دهشتگرد پاڪستان جي بارن کي معذور بڻائڻ چاهين ٿا. وزيراعظم چيو ته قوم جي حمايت ۽ هٿياربند فوج جي مدد سان دهشتگردي جي ناسُور جو خاتمو ڪنداسين، پوليو جي خلاف جنگ وڙهندڙ ورڪرز ۽ انهن جي محافظن کي خراج تحسين پيش ڪريون ٿا. وزيراعظم شهيدن جي درجن جي بلندي ۽ گهرڀاتين جي لاءِ صبر جميل جي دعا ڪئي.
