اسلام آباد۔1جولائی(اے پی پی)وفاقی وزیر سائنس و ٹیکنالوجی سینیٹر شبلی فراز آکھیے جو ملک اچ صاف شفاف انتخابات کیتے اپوزیشن الیکٹرانک ووٹنگ مشین (ای وی ایم) نال انتخابات کراوݨ تے حکومت نال ٻیھ تے ڳالھ کرے، آندے عام اتے بلدیاتی انتخابات ای وی ایم تے کرائے ویسن۔ نجی ٹی وی چینل نال الیندے انہاں آکھیا جو وزیر اعظم عمران خان انتخابات اچ شفافیت اتے جمہوریت دے چنڳے مستقبل کیتے انتخابی اصلاحات چاہندن، پی ٹی آئی دی حکومت سماجی، قانونی، آئینی اتے انتخاب سودھا کئی اصلاحات تے کم کریندی پئی اے، پاکستان دے معاشی اعشاریے چنڳے تھیندے پن، چنڳیاں قومی پالیسیاں پاروں معیشت اچ ترقی تھیندی پئی اے اتے لوک غربت توں نکلدے پین۔
