اسلام آباد۔19مارچ (اے پی پی) وفاقی وزیر اطلاعات تے نشریات چوہدری فواد حسین آکھیا جو ”ہم مصطفوی” کوں 1974ء اچ او آئی سی دا آفیشل ترانہ ڈیکلیئر کیتا ڳیا، وزارت اطلاعات جدید ٹیکنالوجی دی جدت پاروں ترانے دی ری ریکارڈنگ کیتی۔ جمیل الدین عالمی دا لکھیا اے ترانہ قرآن کریم توں ماخوذ اے اتے ایں اچ سوھݨی زبان اتے تاریخ کوں پیش کرݨ دی کوشش کیتی ڳئی اے۔ اے ڳالھ انہاں ہفتے کوں اتھاں او آئی سی وزرائے خارجہ کونسل دے آفیشل گانے دی لانچنگ تقریب توں خطاب کریندیں ہوئیں آکھی۔ انہاں آکھیا جو ”ترانے دا تھیم اللہ دی رسی کوں مضبوطی نال پکڑو اتے تفرقے اچ نہ پوو، اے۔ ٻہوں ڳھٹ لوک ڄاݨدن جو اے ترانہ او آئی سی دا آفیشنل ترانہ اے۔ 1974 اچ ہک قرارداد دے ذریعے ”ہم مصطفوی” کوں او آئی سی دا آفیشل اینتھم ڈیکلیئر کیتا ڳیا ہئی۔
