اسلام آباد۔23اکتوبر (اے پی پی):پاکستان ہفتہ کوں امریکی میڈیا دی ایں رپورٹ جو افغانستان اچ فوجی اتے انٹیلی جنس آپریشن کیتے فضائی حدود دے استعمال دی اجازت ݙیوݨ کیتے امریکہ دے نال کہیں وی قسم دی کوئی مفاہمت اے دی سختی نال تردید کیتی اے ۔سی این این دی ترائے ذرائع دے حوالے نال جمعے کوں چھپݨ آلی ھک رپورٹ اچ دعویٰ کیتا ڳیا ہئی جو جوبائیڈن انتظامیہ مقننہ کوں آکھیے جو او افغانستان اچ فوجی اتے انٹیلی جنس آپریشن کرݨ کیتے فضائی حدود دے استعمال کیتے پاکستان دے نال باضابطہ معاہدہ کرݨ دے نیڑے ہیسے ۔ تاں جو امریکی میڈیا دے دعوے دا جواب ݙیندے ہوئیں دفتر خارجہ دے ترجمان آکھیے جو ایجھ یکوئی مفاہمت موجود کائنی ۔ امریکہ دی طرفوں افغانستان اچ فوجی اتے انٹیلی جنس آپریشن کرݨ کیتے پاکستان دی فضائی حدود دے استعمال کیتے معاہدے کوں باقاعدہ شکل ݙیوݨ دے حوالے نال تازہ ترین خبراں دے حوالے نال میڈیا دے سوالاں دے جواب اچ ترجمان ھک بیان اچ آکھیے جو ایجھا کوئی معاہدہ موجود کائنی ۔ ترجمان آکھیے جو پاکستان اتے امریکہ دا علاقائی سلامتی اتے انسداد دہشت گردی تے پراݨا تعاون اے اتے ݙوہیں فریق باقاعدہ مشاورت اچ مصروف عمل رہین ۔
