اسلام آباد۔14نومبر(اے پی پی) الیکشن کمیشن ہݨ تئیں 88ضلعیں اچ نویاں حلقہ بندیاں تے اعتراض نبیڑ ݙتن ، حلقہ بندیاں دی حتمی فہرست 30 نومبر کوں شائع کیتی ویسی جیں دے بعد عام انتخابات دا شیڈول جاری کیتا ویسی ۔ای سی پی ذرائع موجب ڈیجیٹل مردم شماری دے تحت کیتی ونڄݨ آلی نویاں حلقہ بندیاں دی ابتدائی فہرست 27 ستمبر کوں جاری کیتی ڳئی ہئی جیں دے بعد 27 اکتوبر تئیں ایں تے اعتراض منگیے ہن ۔ اے اعتراض نبیڑݨ کیتے الیکشن کمیشن 2 بینچ تشکیل ݙتن جتھاں روز انہ قومی اتے صوبائی اسمبلی دی نویاں حلقہ بندیاں تے اعتراض نبیڑیے ویندے پئن ۔ کمیشن موجب ہݨ تئیں ضلع اسلام آباد، شکار پور، جیکب آباد، کشمور، سیالکوٹ، خضدار، راجن پور، کرم ، خیبر، ننکانہ صاحب، اٹک، جہلم ، کوہاٹ، کورنگی، خوشاب، بہاولپور، سکھر، کوٹ ادو، ٹوبہ ٹیک سنگھ، سائوتھ کراچی، لوئر دیر، ہنگو، اوکزئی، ملتان، جھنگ، مہمند، مانسہرہ، طورغر، بٹگرام، عمر کوٹ، کراچی ویسٹ، سنٹرل کراچی، کیماڑی، سائوتھ وزیرستان، نارتھ وزیرستان، باجوڑ، لکی مروت ، شانگلہ، بونیر، ژوب ، شیرانی ، قلعہ سیف اللہ، رحیم یارخان، نارووال ، راولپنڈی ، مری، لیہ ، تھرپارکر، بدین، شہدادکوٹ، شہید بینظیر آباد، لاڑکانہ، فیصل آباد، جامشورو، صوابی، سرگودھا، میانوالی، ٹھٹھہ ، اپر دیر، کرک، مظفر گڑھ، بھکر، خیرپور، اوکاڑہ، پاکپتن، بہاولنگر، تونسہ، وہاڑی، کوئٹہ، چمن، قلعہ عبداللہ ، چاغی، خاران ، واشک، حافظ آباد، گوجرانوالہ ،قصور، ڈی آئی خان، ٹانک، پشاور، ملیر، سانگھڑ، سوات، ہری پور، چکوال، تلہ گنگ، پشین اتے زیارت دے ضلعیں اچ قومی اتے صوبائی اسمبلیاں دے حلقیں تے اعتراض نبیڑے ڳئن ۔الیکشن کمیشن کوں پنجاب اچ 672، سندھ اچ 228، خیبر پختونخوا اچ 293، بلوچستان 124 اتےر اسلام آباداچ نویاں حلقہ بندیاں تے 7 اعتراض ملیے ہن ۔ الیکشن کمیشن آندے عام انتخابات کیتے 8 فروری 2024 دی تاریخ دا اعلان کیتے،30 نومبر کوں حلقہ بندیاں دی حتمی اشاعت دے بعد عام انتخابات دے مکمل شیڈول دا اعلان کیتا ویسی ۔
