اسلام آباد۔6اکتوبر(اے پی پی)وفاقی وزیر اطلاعات و نشریات چوہدری فواد حسین آکھیے جو افغانستان توں وسطی ایشیائی ریاستاں کوں آپت اچ جورݨ نال پورے خطے اچ ترقی و خوشحالی دا ہک نواں دور شروع تھیسی۔ اے ڳالھ انہاں قازقستان دے سفیر یرزحان کستافین نال ملݨ ویلھے آکھی۔ چوہدری فواد حسین افغانستان توں گیر ملکیاں کوں کݙھݨ کیتے پاکستان دے اقدامات، کرونا نال نبݨݨ کیتے وزیراعظم دے کامیاب وژن اتےا قدامات دا ݙسایا۔ مالقات اچ انہاں میڈیا اتے انفارمیشن دے شعباں اچ تعاون ودھاوݨ تے الایا۔ فواد چوہدری آکھیا جو قازقستان دے صدر دے دورہ پاکستان ویلھے ݙوہاں ملکاں دے سرکاری میڈیا ادارے خبراں دے تبادلے کیتے مفاہمت دی یادداشت تےدستخط تھیسن۔ انہاں علاقائی روابط ودھاوݨ، 24 فروری کوں سفارتی تعلقات دے 30 سال مکمل تھیوݨ تے پاک چائنہ فرینڈ شپ سینٹر اچ تقریب کراوݨ تے اتفاق کیتے۔
