اسلام آباد۔23نومبر(اے پی پی) الیکشن کمیشن پی ٹی آئی انٹراپارٹی انتخابات متعلق محفوظ فیصلہ سݨاݙتے، الیکشن کمیشن تحریک انصاف دےانٹراپارٹی انتخابات کوں کالعدم قرارݙیندے ہوئیں ول 20 ݙینھ اچ انتخابات کراوݨ دی ہدایت کرݙتی ، بلے دا نشان فی الحال پی ٹی آئی کنے برقرار رہسی ۔ الیکشن کمیشن دی طرفوں خمیس کوں محفوظ فیصلہ سݨایا ڳئے۔ الیکشن کمیشن پی ٹی آئی انٹراپارٹی انتخابات متعلق فیصلہ 13 ستمبر کوں محفوظ کیتا ہئی ۔ فیصلے اچ تحریک انصاف دے انٹراپارٹی انتخابات کوں کالعدم قرار ݙیندے ہوئیں انہاں کوں ہدایت کیتی اے جو او 20 ݙینھ اچ انتخابات کروا تے ایں توں اڳلے ست ݙینھ اچ رپورٹ جمع کراون۔فیصلے اچ آکھیا ڳئے جو تحریک انصاف دی طرفوں کرائے ڳئے انٹراپارٹی انتخابات شفاف کائنان ہن ۔
