اسلام آباد۔11مئی(اے پی پی)وفاقی وزیر برائے موسمیاتی تبدیلی سینیٹر شیری رحمان سندھ اچ پاݨی بحران تے چنتا کریندے آکھیے جو دریائے سندھ اچ پاݨی دی 60 فیصد کمی خطرناک اے، پاݨی دی بچت، منصفانہ ونݙ یقینی ٻݨاوݨی ہوسی۔ انہاں آکھیے جو سندھ دے بیراجاں اتے نہراں اچ پاݨی دی 52 توں 62 فیصد کمی پاروں آبادی، زراعت اتے مویشیاں کوں پاݨی دی قلت اے، کئی شہراں کوں پاݨی نئیں ملدا پیا، پاݨی دی قلت پاروں سندھ اچ کپاہ، چاول تے ٻیاں فصلاں تباہ تھینداں پن، ہیٹ ویو اتے شدید گرمی اچ اے صورتحال چنتے آلی اے، پاݨی دی 1991 دے پاݨی معاہدے موجب منصفانہ ونݙ ضروری اے، ایں سانڳے پاݨی دی بچت اتے صوبیاں وچال پاݨی دی منصفانہ تقسیم یقینی ٻݨاؤݨی ہوسی۔
