اسلام آباد۔15اکتوبر (اے پی پی):وزیراعظم عمران خان زرعی پیداوار ودھاوݨ کیتے پاݨی پاݨی ذخیرہ کرݨ ، تحقیق اتے جدید ٹیکنالوجی دے استعمال دی لوڑھ تے زور ݙیندے ہوئیں آکھیے جو حکومت کساناں کوں انہاں دی محنت دا پورا معاوضہ ݙویسی ، چھوٹا کسان خوشحال تھیسی تاں ملک خوشحال تھیسے ، محنت کش تے کمزور طبقے تے ظلم نہ تھیوݨ ݙیسوں ودھدی آبادی دیاں ضرورتاں کوں پورا کرݨ کیتے زرعی پیداوار اچ ودھارا ناگزیر اے ، کاشتکاراں دی خدمت ملک د خدمت اے، کسان کارڈ دے ذریعے کاشتکاراں کوں براہ راست سبسڈی ݙتی ویسی ، پنجاب ، خیبر پختونخوا، گلگت بلستان اتے آزاد کشمیر اچ ہر خاندان کوں صحت کارڈ ݙتا ویسی ، روپے تے دبائو عارضی اے جلدی ختم تھی ویسی ، کسان پورٹل دے ذریعے چھوٹے کسان دی جلد دادرسی تھیسی ۔اے ڳال انہاں جمعے کوں پاکستان سٹیزن پورٹل دے تحت کاشتکاراں کیتے مخصوص “کسان پورٹل”دے اجرا دی تقریب توں خطاب کریندے ہوئیں آکھی اے ، ایں موقع تے وزیراعظم دے معاون خصوصی نیشنل فوڈ سکیورٹی جمشید اقبال چیمہ وی موجود ہن۔ وزیراعظم آکھیے جو کسان اتے مزدور محنت کش ہن تے سارا سال ہر طرح دے موسم اچ او محنت کریندن ۔ کساناں تے مزدوراں دی مدد کرݨ حکومت دا عزم اے۔ اللہ تعالیٰ محنت کش اتے مزدور طبقے دی آواز سݨدے کیوں جو محنت کش اتے مزدور دی آواز ظالم اتے طاقتور دے سامݨے دب ویندی اے ۔
