اسلام آباد۔29نومبر(اے پی پی):وفاقی وزیر خزانہ ومحصولات سینیٹر محمد اسحاق ڈار آکھیے جوموجودہ حکومت کلی معیشت دے استحکام کیتے پرعزم اے ، پاکستان تےچین وچال اقتصادی تے مالیاتی تعلقات کوں مزید گھاٹا کرݨ کیتے بینک آف چائنہ کوں پاکستان نال کاروباری تعلقات کوں ودھارا ݙیوݨ دی لوڑھ اے ۔ اے ڳالھ انہاں وزارت خزانہ اچ بینک آف چائنہ دے صدر مسٹر لیو جن نال ورچوئل میٹنگ اچ آکھی اے ۔ وزیراعظم دے معاون خصوصی خزانہ طارق باجوہ، معاون خصوصی محصولات طارق محمود پاشا، سپیشل سیکریٹری خزانہ اتے فنانس ڈویژن دے ٻئے سینئر افسران وی اجلاس اچ شرکت کیتی۔ وزیر خزانہ آکھیے جو بینک آف چائنہ نال کم کرݨ ٻہوں چنڳاں لڳے ، پاکستان دے بینک نال چنڳے مالیاتی تعلقات رہین ۔ وزیر خزانہ ، وزیراعظم پاکستان دے اڄوکے دورہ چین تے وی روشنی پاتی جیں اچ چینی قیادت دی طرفوں پاکستان کیتے گرمجوشی دااظہار کیتا ڳئے ۔ وزیر خزانہ چین تے حکومت پاکستان وچال پراݨے پائیدار تعلقات دی اہمیت کوں چاتے تے آکھیے جو آزمائش دے ہر ویلھے چین پاکستان دی حمایت کیتی ۔ انہاں پاکستان دی مسلسل حمایت تے بینک آف چائنہ دا شکریہ وی ادا کیتا۔
