کراچی۔18اکتوبر (اے پی پی) وفاقی وزیر برائے تخفیف غربت تے سماجی تحفظ اتے پاکستان پیپلزپارٹی دی رہنما شازیہ مری آکھیا جو 18 اکتوبر دے واقعے کوں اڄ 15 سال تھی ڳن پر شہیداں دی قربانیاں کوں اڄ وی اساں یاد کریندوں۔ انہاں 18 اکتوبر سانحہ کارساز دے شہیداں کوں ویڈیو سنیھے اچ خراج عقیدت پیش کریندیں ہوئیں آکھیا جو سانحہ کارساز دے سارے شہیداں کوں اڄ وی سرخ سلام پیش کریندوں۔ انہاں آکھیا جو 18 اکتوبر 2007 کوں لکھا لوک شہید محترمہ بینظیر بھٹو دے والہانہ استقبال کرݨ کیتے کراچی ایئرپورٹ پڄیے۔ وفاقی وزیر آکھیا جو استقبال اچ ݙو دھماکے تھیے جئیں اچ 180 بندے شہید اتے 500 توں ودھ زخمی تھیے ہن۔ انہاں آکھیا جو سانحہ کارساز دے سارے شہیداں کوں اڄ وی سرخ سلام پیش کریندوں۔
