اسلام آباد۔23اگست (اے پی پی) چیئرمین سینیٹ محمد صادق سنجرانی سابق چیئرمین جوائنٹ چیفس آف اسٹاف کمیٹی جنرل رحیم الدین دے انتقال تے ݙکھ تے افسوس کیتے ۔ منڳل کوں سینیٹ سیکرٹریٹ موجب چیئرمین سینیٹ آکھیے جنرل (ر) رحیم الدین مرحوم پیشہ ورانہ سولجرہن ۔مرحوم سندھ و بلو چستان دے گورنر دی حیثیت نال ذمہ واریاں کوں چنڳے طریقے نبھایا ۔وطن دے دفاع اتے امن و امان دے قیام کیتے مرحوم دی خدمات کوں ہمیشہ یاد رکھیا ویسی ۔جنرل (ر) رحیم الدین آپݨے دوراچ بلوچستان اچ قیام امن کیتے مثالی کردار ادا کیتا ۔ا للہ تعالیٰ مرحوم کوں اپݨے جوار رحمت اچ جاہ ݙیوے تے ݙکھی خداندان کوں سے ݙکھ حوصلے تے صبر نال برداشت کرݨ دی توفیق ݙیوے ۔ ڈپٹی چیئرمین سینیٹ سینیٹر مرزا محمد آفریدی، قائد ایوان سینیٹ سینیٹر اعظم نذیر تارڑ، قائد حزب اختلاف سینیٹ سینیٹر ڈاکٹر شہزاد وسیم وی سابق چیئرمین جوائنٹ چیفس آف اسٹاف کمیٹی جنرل رحیم الدین دے انتقال تے ݙکھ تے افسوس کیتے ۔
