اسلام آباد۔21مئی (اے پی پی) ملک دے وکھو وکھ میدانی علاقیں اچ موسم تتا رہسی ، اتلے علاقیں اچ کجھ جہیں تے اندھاری گھلݨ تے کھمݨ دے نال مینھ وسݨ ، اتے پنجاب دے ادھلے تے جنوبی ضلعیں اچ اندھاری گھلݨ دا امکان اے۔ ۔ ملک دیاں ودھ ساریاں جہیں تے گرمی دی لہر پاروں عوام کوں احتیاط ورتݨ دا مشورہ ݙتا ڳئے ۔ محکمہ موسمیات موجب اڄ ہفتے کوں ملک دے ٻہوں سارے میدانی علاقیں اچ موسم تتا تے رکھا رہیا ، جݙاں جو اتلے خیبر پختونخوا، گلگت بلتستان ، کشمیر اتے ایندے نیڑے پہاڑی علاقیں اچ کجھ جہیں تے اندھاری تے کھمݨ نال مینھ وسݨ دا امکان اے ، ایں ویلھے پنجاب دےوسطی/ جنوبی ضلعیں اچ اندھاری گھلݨ دا امکان اے ، گزریل 24 گھنٹے اچ ملک دیاں ٻہوں ساریاں جاہواں تے موسم گرم اتے رکھا جݙاں جو میدانی علاقیں اچ گرم رہیا۔ تاں جو خطہ پوٹھوہار ،اسلام آباد، اتلے خیبرپختونخوا، کشمیر اتے گلگت بلتستان اچ اندھاری گھلی تے کھمݨ دے نال مینھ وسیا ۔ ساریں توں ودھ مینھ خیبر پختونخوا اچ پاراچنار 20، دیر(تلویں9، اتلے 2)، چراٹ ، تخت بھائی 5، کالام 3، باچا خان ائیر پورٹ ، پشاور سٹی، سیدو شریف، مالم جبہ، 2،دروش ، کاکول 1 ،پنجاب اچ مری 15، اسلام آباد(زیروپوا ئنٹ 3)، اٹک 2، راولپنڈی ( شمس آباد ،چکلالہ 1)، جہلم 1، کشمیر اچ راولاکوٹ 15 ، گڑھی دوپٹہ 2، گلگت بلتستان اچ استور 11، بابو سر 7، گلگت ، اسکردو 2اتے گوپس اچ 1 ملی میڑ مینھ وسیا ، ایں ویلھے ملک اچ ودھ توں ودھ درجہ حرارت جیکب آباد، موہنجوداڑو، لاڑکانہ 49، شہید بینظیر آباد، خیر پور اتے دادو اچ 48 ڈگری سینٹی گریڈ ریکارڈ کیتا ڳئے ۔
