اسلام آباد۔29اپریل (اے پی پی) وفاقی وزیر داخلہ رانا ثناء اللہ آکھیے جو سعودی حکومت توں کل دے واقعہ تے ایکشن گھنݨ دا مطالبہ کرݨ ویندے پیوں، انہاں آکھیے جو اے واقعہ اچانک نی تھیا بلکہ منصوبہ بندی نال کیتا ڳئے ۔وفاقی وزیر داخلہ رانا ثنااللہ قمر زمان کائرہ دے رلے پریس کانفرنس کریندے ہوئیں آکھیے جو قابل احترام جاہ تے غیر شائستہ جملے ٻولیے ڳئن ، ایں طرح دے واقعات افسوسناک ہن ، پوری قوم کل دے واقعے تے ݙکھ تے کرب محسوس کیتے، تساں پوݨے چار سال ٻہوں امتحان ڳھدے اساں گھراں توں نکل تے تساݙے مقدمیں دا سامݨا کیتے ، 100 یا 200 لوکاں کوں کٹھا کرݨ کہیں ھک جماعت کیتے اوکھا کائنی ، تساں سزائے موت دے کوڑے کیسز بݨائے تاں جو اساں پارٹی توں پچھوں ہٹ ونڄوں ، اساں تے ٻہوں سارا دباؤ اے مگر کارکنان کوں روک رکھیے ۔قمر زمان کائرہ آکھیے جو اڄ وݙے بھاری دل توں الیندے پیوں خان صاحب ٻئی کتنی تقسیم چاہندن ؟ عمران خان دی سیاست جمہوری کائنی ، کیا دیواراں کھڑیاں کرݨ نال ملک دی کوئی بہتری تھی سڳدی اے ؟ عمران خان کتنی نفرت چاہندن ؟ قوم کوں ݙیکھݨا ہوسی جو خان صاحب کیا چاہندن ، میں دھمکیاں ݙیساں تاں کیا ایں توں کوئی بہتری تھی ویسی ، اساں تحمل دا مظاہرہ کریندے پیوں۔
