کراچی ۔28اگست (اے پی پی):صدر مملکت ڈاکٹر عارف علوی آکھیے جو ٹیکسیشن دا نظام منصفانہ ہووݨا چاہیدے ، وفاقی محتسب جیہے اداریں بارے عوام اچ آگاہی دی لوڑھ اے ، محتسب دے ادارے عوام دے نمائندہ ہن، اوعوام کیتے سوچیندن ، جݙاں ریاست دا کردار فلاحی ہووے تاں عوام خیرات اتے زکوة دی طرح ٹیکس ݙیندے ہوئیں فخر محسوس کریسن ، او ہفتے کوں اتھاں ٹیکس نظام توں متعلق آگاہی سیمینار توں خطاب کریندے پئے ہن ، انہاں آکھیے جو ھک سال اچ پاکستان توں مقام کار تے تریمتاں کوں ہراساں کیتے ونڄݨ دے حوالے نال صرف 100 شکایتاں ملیاں ، ایندی بنیادی وجہ عوام کوں آگاہی نہ ہووݨ اے ، میں جݙاں صدر مملکت بݨیا تان میکوں او ویلھے وفاقی محتسب دے ادارے دے کم دے حوالے نال آگاہی تھئی۔ انہاں آکھیے جو وفاقی محتسب اچ شکایات توں لوک خود گھبریندن جݙاں جو وفاقی محتسب دا ادارہ سرکاری اداریں متعلق شکایتاں دا ازالہ کریندن ۔
